Mother - அம்மா.

தாயே தரவேண்டும் எனக்கு ஒரு வரமே!

பூமி தாங்கும் முன்பே

என்னை பூவாய் தாங்கியவளே,

உருவம் அறியா கருவிலும்கூட

என்னை உருகி அணைத்தவளே,

உயிர்தந்து உடல் தந்து - இன்று

நிழலாகிப்போன என் நிஜமே.

என்னைப் பெத்தவளே வளர்த்தவளே

இன்று செத்தவளாய் ஆனாயே,

கூவி அழைக்க உறவுகள் இங்கே

ஆயிரம் இருந்தாலும் - இறுதி பேச்சாக

என் பெயர் சொல்லியே அமைதி ஆனவளே! 

மண்ணுக்கு நடைபிணமாய் நானிருக்க

நீ விண்ணிற்கு விடைப்பெற்று சென்றதேனோ,

தாயே தரவேண்டும் நீ எனக்கு ஒரு வரமே - நின்

மணிவயிற்றில் ஜனிக்க வேண்டும் இன்னும் ஒரு தரமே.

"மகனே" என அணைக்க வேண்டுமம்மா

என்னை மீண்டும் ஒரு தடவை உன் கரமே!...

📕இதையும் படியுங்களேன்.